vaqt khush khush kaaTne kaa mashvara dete hue — Riaz Majeed

ik ghar banaa ke kitne jhamelon mein phans gae
kitnaa sukun be-sar-o-saamaaniyon mein thaa

simaTti phailti tanhaai sote jaagte dard
vo apne aur mire darmiyaan chhoD gayaa

isi hujum mein laD-bhiD ke zindagi kar lo
rahaa na jaaegaa duniyaa se duur jaa kar bhi

baad-e-shaam aae mahak uTThe miraa sahn riyaaz
be-mahak jhaaDiyon se raat ki raani nikle

hansiye charaagh ujaaliye paude lagaaiye
kuchh hausla baDhaaiye buDhi zamin kaa

haqiqatein to aTal hain badal nahin saktin
magar kisi ki tasalli se hausla huaa hai

aaine par koi tohmat na dharo
khaal-o-khad apne sanvaaro saahab

naahaq ham majburon par ye tohmat hai mukhtaari ki
chaahte hain so aap karein hain ham ko abas badnaam kiyaa

aalam aalam ishq-o-junun hai duniyaa duniyaa tohmat hai
dariyaa dariyaa rotaa huun main sahraa sahraa vahshat hai

kaam aakhir jazba-e-be-ikhtiyaar aa hi gayaa
dil kuchh is surat se taDpaa un ko pyaar aa hi gayaa