din ke hangaame jilaa dete hain mujh ko varna — Ateequllah

kuchh aur din abhi is jaa qayaam karnaa thaa
yahaan charaagh vahaan par sitaara dharnaa thaa

zaraa se rizq mein barkat bhi kitni hoti thi
aur ik charaagh se kitne charaagh jalte the

tum ne to faqat us ki rivaayat hi suni hai
ham ne vo zamaana bhi guzarte hue dekhaa

ye raah-e-talab yaaro gumraah bhi karti hai
saamaan usi kaa thaa jo be-sar-o-saamaan thaa

aaina aaina tairtaa koi aks
aur har khvaab mein dusraa khvaab hai

fazaa mein haath to uTThe the ek saath kai
kisi ke vaaste koi duaa na kartaa thaa

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

aankhon mein meri subh-e-qayaamat gai jhamak
siine se us pari ke jo parda ulaT gayaa

har subh nikalte hain yahi soch ke ghar se
bikhri hui duniyaa ko sameTeinge kisi din

sadiyon tak ehtimaam-e-shab-e-hijr mein rahe
sadiyon se intizaar-e-sahar kar rahe hain ham