sameT lo mujhe apni sadaa ke halqon mein — Azad Gulati

aasmaan ek sulagtaa huaa sahraa hai jahaan
DhunDhtaa phirtaa hai khud apnaa hi saayaa suraj

kise milti najaat 'aazaad' hasti ke masaail se
ki har koi muqayyad aab o gil ke silsilon kaa thaa

dekhne vaale mujhe meri nazar se dekh le
main tiri nazron mein huun aur main hi har manzar mein huun

ek vo hain ki jinhein apni khushi le Duubi
ek ham hain ki jinhein gham ne ubharne na diyaa

raushni phaili to sab kaa rang kaalaa ho gayaa
kuchh diye aise jale har-su andheraa ho gayaa

aap jis rah-guzar-e-dil se kabhi guzre the
us pe taa-umr kisi ko bhi guzarne na diyaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

sau ghamze ke rakhtaa hai nigahbaan pas-o-pesh
aataa hai akelaa par akelaa nahin aataa

tamaam umr nae lafz ki talaash rahi
kitaab-e-dard kaa mazmun thaa paaemaal aisaa

shafaq kaa rang sukun hai sahar ke chehre par
ki gesu-e-shab-e-gham be-qaraar hai ab tak