ek vo hain ki jinhein apni khushi le Duubi — Azad Gulati

zindagi ai zindagi!! aa do ghaDi mil kar rahein
tujh se meraa umr-bhar kaa to koi jhagDaa na thaa

kise milti najaat 'aazaad' hasti ke masaail se
ki har koi muqayyad aab o gil ke silsilon kaa thaa

dekhne vaale mujhe meri nazar se dekh le
main tiri nazron mein huun aur main hi har manzar mein huun

raushni phaili to sab kaa rang kaalaa ho gayaa
kuchh diye aise jale har-su andheraa ho gayaa

vo vaqt aaegaa jab khud tumhi ye sochogi
milaa na hotaa agar tujh se main to behtar thaa

aasmaan ek sulagtaa huaa sahraa hai jahaan
DhunDhtaa phirtaa hai khud apnaa hi saayaa suraj

ye aansu ponchh lijiye aur muskuraaiye
chaara nahin hai koi bhi rukhsat kiye baghair

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

main ne apni palkon par gham-kade sajaae hain
aarzu ke maatam mein sogvaar hasti hai

husn jalva dikhaa gayaa apnaa
ishq baiThaa rahaa udaas kahin

ham haal to kah sakte hain apnaa pa kahein kyaa
jab vo idhar aate hain to tanhaa nahin aate