khud-farebi mein mubtalaa rakh kar — Azeem Hyderabadi

un se milne ki iltijaa ki hai
dil-e-naadaan ne ye khataa ki hai

jhuk rahi hai 'azim' apni jabin
ye karaamat to naqsh-e-paa ki hai

khud-farebi si khud-farebi hai
paas ke Dhol bhi suhaane lage

vahi to markazi kirdaar hai kahaani kaa
usi pe khatm hai taasir bevafaai ki

har shakhs ko fareb-e-nazar ne kiyaa shikaar
har shakhs gum hai gumbad-e-jaan ke hisaar mein

fareb-e-karam ik to un kaa hai is par
sitam meri khush-fahmiyaan aur bhi hain

dil miraa shaaki-e-jafaa na huaa
ye vafaadaar bevafaa na huaa

aadmi jaan ke khaataa hai mohabbat mein fareb
khud-farebi hi mohabbat kaa sila ho jaise