main jise DhunDne niklaa thaa use paa na sakaa — Azhar Inayati

ghazal kaa sher to hotaa hai bas kisi ke liye
magar sitam hai ki sab ko sunaanaa paDtaa hai

shikastagi mein bhi kyaa shaan hai imaarat ki
ki dekhne ko ise sar uThaanaa paDtaa hai

raasto kyaa hue vo log ki aate-jaate
mere aadaab pe kahte the ki jiite rahiye

kisi ke aib chhupaanaa savaab hai lekin
kabhi kabhi koi parda uThaanaa paDtaa hai

vo jis ke sehn mein koi gulaab khil na sakaa
tamaam shahr ke bachchon se pyaar kartaa thaa

har ek raat ko mahtaab dekhne ke liye
main jaagtaa huun tiraa khvaab dekhne ke liye

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

din lage hain ye raat ko meri
chashm-e-aahu charaagh-e-sahraa hai

din ko rukhsat kiyaa bahaane se
raat thi vo mire sitaare ki

jo vaqt jaaegaa vo palaT kar na aaegaa
din raat chaahiye sahar-o-shaam kaa lihaaz