kunj-e-hairat se chale dasht-e-ziyaan tak laae — Badr Muneer

muskuraa kar agar vo dekhe to
aaine par nishaan paD jaae

laD rahaa huun main akelaa kaar-zaar-e-hast mein
kar faraaham tu bhi zaalim apne hone kaa javaaz

be-chehra insaanon ki is basti mein
achchhaa hai aaine toD diye jaaein

uqaabi ruuh jab bedaar hoti hai zanaani mein
amaan shauhar ko phir milti nahin is daar-e-faani mein

jivan hai saDak aur kinaare pe khaDe hain
lagtaa hai ki muddat se ishaare pe khaDe hain

kyaa khabar kaun saa rasta tiri jaanib nikle
be-iraada bhi kai baar safar karte hain

main baDaa ho gayaa huun magar bachpanaa
mere dil se kabhi bhi gayaa hi nahin

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

dil-e-haris hi apnaa na ho sakaa qaane
vagarna tere karam mein to kuchh kami na rahi

main badalte hue haalaat mein Dhal jaataa huun
dekhne vaale adaakaar samajhte hain mujhe