ab ki jo raah-e-mohabbat mein uThaai taklif — Bahadur Shah Zafar

kitnaa hai bad-nasib 'zafar' dafn ke liye
do gaz zamin bhi na mili ku-e-yaar mein

dekh dil ko mire o kaafir-e-be-pir na toD
ghar hai allaah kaa ye is ki to taamir na toD

kyaa taab kyaa majaal hamaari ki bosa lein
lab ko tumhaare lab se milaa kar kahe baghair

khvaab meraa hai ain bedaari
main to us mein bhi dekhtaa kuchh huun

ye qissa vo nahin tum jis ko qissa-khvaan se suno
mire fasaana-e-gham ko miri zabaan se suno

bulbul ko baaghbaan se na sayyaad se gila
qismat mein qaid likkhi thi fasl-e-bahaar mein

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

khatm ho jaate jo husn o ishq ke naaz o adaa
shaaeri bhi khatm ho jaati nubuvvat ki tarah

honaa hai dard-e-ishq se gar lazzat-aashnaa
dil ko kharaab-e-talkhi-e-hijraan to kijiye

mohabbat ek paakiza amal hai is liye shaayad
simaT kar sharm saari ek bose mein chali aai

saat sanduqon mein bhar kar dafn kar do nafratein
aaj insaan ko mohabbat ki zarurat hai bahut