havas shaamil hai thoDi si duaa mein — Bakul Dev

vahi aansu vahi maazi ke qisse
jise dekho kaTe ko kaaTtaa hai

shaam utri hai phir ahaate mein
jism par raushni ke ghaav liye

taalluq tark to kar lein sabhi se
bhale lagte hain kuchh nuqsaan lekin

baad muddat ye jilaa kis ke hunar ne bakhshi
baad muddat mire aaine mein chehre aae

main saare faasle tai kar chukaa huun
khudi jo darmiyaan thi darmiyaan hai

aaine mein hai phir vahi surat
yuun hi hoti hai tarjumaani kyaa

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

hijr ki shab naala-e-dil vo sadaa dene lage
sunne vaale raat kaTne ki duaa dene lage

mohabbat khud mohabbat kaa sila hai 'aarfi' lekin
koi aasaan hai kyaa be-niyaaz-e-muddaaa honaa

us se mile zamaana huaa lekin aaj bhi
dil se duaa nikalti hai khush ho jahaan bhi ho

musibat aur lambi zindagaani
buzurgon ki duaa ne maar Daalaa

yahaan se jab gai thi tab asar par khaar khaae thi
vahaan se phuul barsaati hui palTi duaa meri