yahaan se jab gai thi tab asar par khaar khaae thi — Muztar Khairabadi

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

un kaa ik patlaa saa khanjar un kaa ik naazuk saa haath
vo to ye kahiye miri gardan khushi mein kaT gai

tum agar chaaho to miTTi se abhi paidaa hon phuul
main agar maangun to dariyaa bhi na de paani mujhe

zulf ko kyuun jakaD ke baandhaa hai
us ne bosa liyaa thaa gaal kaa kyaa

mire dil ne jhaTke uThaae hain kitne ye tum apni zulfon ke baalon se puchho
kaleje ki choTon ko main kyaa bataaun ye chhaati pe lahraane vaalon se puchho

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

pyaaso raho na dasht mein baarish ke muntazir
maaro zamin pe paanv ki paani nikal paDe

hijr ki raat hai aur aankh mein aansu bhi nahin
aise mausam mein to barsaat huaa karti thi

vo jab bhi aayaa bahut tez baarishon jaisaa
vo jis ne chaahaa mujhe surmai ghaTaa rakhnaa

dil aur shama donon baraabar hain sokhta
uThtaa hai kis jagah se dhuaan dekhte raho

hamesha dhuup ki chaadar pe takiya kaun kartaa hai
khuli chhat hai to phir barsaat kaa bhi saamnaa hogaa

baarish jise 'mahmud' samajhtaa hai zamaana
insaan ke kirdaar pe rote hain farishte