dushmani kaa safar ik qadam do qadam — Bashir Badr

na tum hosh mein ho na ham hosh mein hain
chalo mai-kade mein vahin baat hogi

udaas aankhon se aansu nahin nikalte hain
ye motiyon ki tarah sipiyon mein palte hain

bhuul shaayad bahut baDi kar li
dil ne duniyaa se dosti kar li

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yaad aai hai to phir TuuT ke yaad aai hai
koi guzri hui manzil koi bhuli hui dost

safar mein aise kai marhale bhi aate hain
har ek moD pe kuchh log chhuT jaate hain

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

us musaafir ki naqaahat kaa Thikaana kyaa hai
sang-e-manzil jise divaar nazar aane lage