nairangiyaan falak ki jabhi hain ki hon baham — Bayan Meeruthi

dil aayaa hai qayaamat hai miraa dil
uThe taazim de joban kisi kaa

yaad mein khvaab mein tasavvur mein
aa ki aane ke hain hazaar tariq

kabhi hansaayaa kabhi rulaayaa kabhi rulaayaa kabhi hansaayaa
jhijak jhijak kar simaT simaT kar lipaT lipaT kar dabaa dabaa kar

nahin ye aadmi kaa kaam vaaiz
hamaare but taraashe hain khudaa ne

lahu Tapkaa kisi ki aarzu se
hamaari aarzu Tapki lahu se

shaikh ke maathe pe miTTi barhaman ke bar mein but
aadmi dair-o-haram se khaak patthar le chalaa

tum sitaaron ke bharose pe na baiThe rahnaa
apni tadbir se taqdir banaate jaao

barson se ghumtaa hai isi tarah raat din
lekin zamin milti nahin aasmaan ko

hal na thaa mushkil kaa koi us ke paas
sirf vaade aasmaani de gayaa

vo jugnu ho sitaara ho ki aansu
andhere mein sabhi mahtaab se hain

khinchaa khinchaa nazar aataa hai ham se har aanchal
sitaare toD ke laaein to laaein kis ke liye

falak se roz utarte hain raushni ke khutut
magar na chamke muqaddar gharib-khaanon ke