mere andar kaa paanchvaan mausam — Bedil Haidari

raat ko roz Duub jaataa hai
chaand ko tairnaa sikhaanaa hai

marne ke baa'd khud hi bikhar jaaungaa kahin
ab qabr kyaa banegi agar ghar nahin banaa

dushman mujh par ghaalib bhi aa saktaa hai
haar miri majburi bhi ho sakti hai

ye dil jo muztarib rahtaa bahut hai
koi is dasht mein taDpaa bahut hai

ho gayaa charkh-e-sitamgar kaa kaleja ThanDaa
mar gae pyaas se dariyaa ke kinaare bachche

ham tum mein kal duuri bhi ho sakti hai
vajh koi majburi bhi ho sakti hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa

sitam hai sitam kaaba-e-dil kaa Dhaanaa
ye kyaa kar rahe ho ye kyaa ho rahaa hai

haath pistaan pe ghair kaa pahunchaa
aap bhi ab hue anaar-farosh

mujh ko paanaa hai to phir mujh mein utar kar dekho
yuun kinaare se samundar nahin dekhaa jaataa