vaaiz baDaa mazaa ho agar yuun azaab ho — Dagh Dehlvi

hazrat-e-'daagh' hai ye kucha-e-qaatil uThiye
jis jagah baiThte hain aap to jam jaate hain

dil hi to hai na aae kyuun dam hi to hai na jaae kyuun
ham ko khudaa jo sabr de tujh saa hasin banaae kyuun

baad muddat ke ye ai 'daagh' samajh mein aayaa
vahi daanaa hai kahaa jis ne na maanaa dil kaa

na ronaa hai tariqe kaa na hansnaa hai saliqe kaa
pareshaani mein koi kaam ji se ho nahin saktaa

sar miraa kaaT ke pachhtaaiyegaa
jhuTi phir kis ki qasam khaaiyegaa

kal tak to aashnaa the magar aaj ghair ho
do din mein ye mizaaj hai aage ki khair ho

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

is adab-gaah kuun tuun masjid-e-jaame mat buujh
shaikh be-baak na jaa gosha-e-mai-khaane mein

tire sukhan mein ai naaseh nahin hai kaifiyyat
zabaan-e-qulqul-e-minaa siin sun kalaam-e-sharaab

muvaafaqat kare kyuun mai-kashon sati zaahid
idhar sharaab udhar masjid-o-musallaa hai

sajaao bazm ghazal gaao jaam taaza karo
''bahut sahi gham-e-giti sharaab kam kyaa hai''