likhi hai haal-e-dil mein haae-havvaz — Dilawar Figar

is ko kahte hain khudaa ki den ye hoti hai den
ab civil-surgeon banegaa jaanashin-e-taan-sen

Thele par divaan laayaa hai ye shakhs is se milo
is ki ghazlon kaa nayaa majmua do ruupe kilo

ye idaare bhi na honge jab to hai is kaa bhi Dar
chalti-phirti shaaeri hogi yahaan har road par

jo non-metric the vo afsar bane yahaan
ab jo Phd hain vo bechein kiraanaa kyaa

maut bhi us shakhs tak aate hue ghabraaegi
jis ke sar par nazaa mein Dafli bajaai jaaegi

sunaa ye hai ki vo suufi bhi thaa vali bhi thaa
ab is ke baa'd to paighambari kaa darja hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kyaa kyaa rog lage hain dil ko kyaa kyaa un ke bhed
ham sab ko samjhaane vaale kaun hamein samjhaae

tu bhi jaise badal saa jaataa hai
aks-e-divaar ke badalte hi

kar na jurat tu ai tabib ki ye
dil kaa dhaDkaa hai ikhtilaaj nahin

kisi ko saal-e-nau ki kyaa mubaarakbaad di jaae
calender ke badalne se muqaddar kab badaltaa hai