ab us ko log sitaara-shanaas kahte hain — Dr. Yasin Aatir

dil ke andar yuun chhupaa rakkhaa hai ik teraa khayaal
jaise ik biij mein poshida shajar rahtaa hai

ab aa gayaa huun to dil mein utaar lenaa mujhe
bulaa ke paas mujhe raaegaan na kar denaa

main chaahtaa thaa miraa ishq laa-zavaal rahe
so maghfirat ki duaa maangtaa rahaa kal raat

tumhein hamesha zarurat pakaD ke laati hai
kabhi to aao mire ghar mire havaale se

ret ban kar miri muTThi se phisal jaati hai
ab mohabbat bhi sanbhaali nahin jaati mujh se

na jaane kaun si ghurbat hai meri aankhon mein
ki us badan mein khazaane talaash kartaa huun

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

taa-falak le gai betaabi-e-dil tab bole
hazrat-e-ishq ki pahlaa hai ye ziinaa apnaa

zamaana laakh sitaaron ko chhu ke aa jaae
abhi dilon ko magar haajat-e-rafu hai vahi

kuchh aur din abhi is jaa qayaam karnaa thaa
yahaan charaagh vahaan par sitaara dharnaa thaa

miri fazaa mein hai tartib-e-kaaenaat kuchh aur
ajab nahin jo tiraa chaand hai sitaara mujhe

falak detaa hai jin ko 'aish un ko gham bhi hote hain
jahaan bajte hain naqqaare vahaan maatam bhi hote hai