main apne qasr se tanhaa parinde ki tarah nikli — Erum Zehra

dil ki dharti par vafaa kaa moajiza rakkhaa gayaa
phir dilon ke darmiyaan kyuun faasla rakkhaa gayaa

meri sochon par usi ki dastaras hone lagi
us ki saari jiit meri maat se mansub hai

sochaa hi nahin tum ne zaraa baat se pahle
kyon shart rakhi tum ne mulaaqaat se pahle

is baar to munsif se koi chuuk hui hai
kyon jiit kaa elaan huaa maat se pahle

mire alfaaz mein us ki halaavat ho gai daakhil
mire lahje mein shaamil ho gai hai guftugu us ki

hamaare zarf kaa logon ne imtihaan liyaa
zaraa si baat kaa dil mein malaal kyaa rakhte

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

tanhaai ki ye kaun si manzil hai rafiqo
taa-hadd-e-nazar ek bayaabaan saa kyuun hai

tere siine mein bhi ik daagh hai tanhaai kaa
jaantaa main to kabhi duur na hotaa tujh se

shab ki tanhaaiyon mein yaad us ki
jhilmilaataa huaa diyaa jaise