jahaan faizaan-e-aabaadi bahut hai — Faizan Arif

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

chaman mein rakhte hain kaanTe bhi ik maqaam ai dost
faqat gulon se hi gulshan ki aabru to nahin

haae ye apni saada-mizaaji atom ke is daur mein bhi
agle vaqton ki si sharaafat DhunD rahi hai shahron mein

daanaaon ne ki daanaai muund liin aankhein
chauraahe par qatl huaa paagal ne dekhaa