har taraf dosti kaa mela hai — Farhat Abbas

donon laazim hain laa-zavaal bhi hain
ik tiraa husn ik miraa ye ishq

tere saanche mein Dhal gayaa aakhir
shahr saaraa badal gayaa aakhir

jise bhi dost banaayaa vo ban gayaa dushman
ye ham ne kaun si taqsir ki sazaa paai

haar jaaegi zindagi lekin
haarne kaa nahin miraa ye ishq

kis saadgi se vo bhi daghaa de gayaa mujhe
jis shakhs ne kahaa thaa kabhi devtaa mujhe

tum use le chalo lab-e-kausar
ai farishto ye karbalaai hai

jab ki pahlu se yaar uThtaa hai
dard be-ikhtiyaar uThtaa hai

rahegaa saath tiraa pyaar zindagi ban kar
ye aur baat miri zindagi vafaa na kare

qismat mein gar hamaari ye mai hai to saaqiyaa
be-ikhtiyaar aap se shisha karegaa jast

vo chaandni vo tabassum vo pyaar ki baatein
hui sahar to vo manzar tamaam shab ke gae

tum takalluf ko bhi ikhlaas samajhte ho 'faraaz'
dost hotaa nahin har haath milaane vaalaa

'qaaem' jo kahein hain faarsi yaar
is se to ye rekhta hai behtar