kin shahidon ke lahu ke ye farozaan hain charaagh — Gulnar Aafreen

kyaa baat hai kyuun shahr mein ab ji nahin lagtaa
haalaanki yahaan apne paraae bhi vahi hain

shaayad abhi kami si masihaaiyon mein hai
jo dard hai vo ruuh ki gahraaiyon mein hai

saudaa hai zamiron kaa har gaam tijaarat hai
chup huun to qayaamat hai bolun to baghaavat hai

ek parchhaain tasavvur ki mire saath rahe
main tujhe bhulun magar yaad mujhe tu aae

safar kaa rang hasin qurbaton kaa haamil ho
bahaar ban ke koi ab to ham-safar aae

'gulnaar' maslahat ki zabaan mein na baat kar
vo zahr pi ke dekh jo sachchaaiyon mein hai

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

main bahut kamzor thaa is mulk mein hijrat ke baad
par mujhe is mulk mein kamzor-tar us ne kiyaa

kis tarah duur hon aalaam-e-gharib-ul-vatani
zindagi khud bhi gharib-ul-vatani hoti hai

raushni baanTtaa huun sarhadon ke paar bhi main
ham-vatan is liye ghaddaar samajhte hain mujhe

mazhab nahin sikhaataa aapas mein bair rakhnaa
hindi hain ham vatan hai hindostaan hamaaraa

royaa thaa kaun kaun mujhe kuchh khabar nahin
main us ghaDi vatan se kai miil duur thaa