ab bahut duur nahin manzil-e-dost — Habeeb Ahmad Siddiqui

hai naved-e-bahaar har lab par
kam-nasibon ko e'tibaar nahin

gulon se itni bhi vaabastagi nahin achchhi
rahe khayaal ki ahd-e-khizaan bhi aataa hai

ek kaaba ke sanam toDe to kyaa
nasl-o-millat ke sanam-khaane bahut

tag-o-taaz-e-paiham hai miraas-e-aadam
mire muntazir kuchh jahaan aur bhi hain

faiz-e-ayyaam-e-bahaar ahl-e-qafas kyaa jaanein
chand tinke the nasheman ke jo ham tak pahunche

raanaai-e-bahaar pe the sab farefta
afsos koi mahram-e-raaz-e-khizaan na thaa

jab ki pahlu se yaar uThtaa hai
dard be-ikhtiyaar uThtaa hai

ham se nafrat karo ki pyaar karo
koi rishta to ustuvaar karo

nae yaaron se bhi is shakhs ki saahib-salaamat hai
hamaare saath bhi yaari jo pahle thi so ab bhi hai

aa dost saath aa dar-e-maazi se maang laaein
vo apni zindagi ki javaan bhi hasin bhi thi

ghaDi ghaDi na idhar dekhiye ki dil pe mujhe
hai ikhtiyaar par itnaa bhi ikhtiyaar nahin

zamin-e-dil pe mohabbat ki aab-yaari ko
bahut hi TuuT ke barsi ghaTaa udaasi ki