hai naved-e-bahaar har lab par — Habeeb Ahmad Siddiqui

gulon se itni bhi vaabastagi nahin achchhi
rahe khayaal ki ahd-e-khizaan bhi aataa hai

ek kaaba ke sanam toDe to kyaa
nasl-o-millat ke sanam-khaane bahut

tag-o-taaz-e-paiham hai miraas-e-aadam
mire muntazir kuchh jahaan aur bhi hain

faiz-e-ayyaam-e-bahaar ahl-e-qafas kyaa jaanein
chand tinke the nasheman ke jo ham tak pahunche

mere liye jiine kaa sahaaraa hai abhi tak
vo ahd-e-tamannaa ki tumhein yaad na hogaa

raanaai-e-bahaar pe the sab farefta
afsos koi mahram-e-raaz-e-khizaan na thaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

baagh-e-hasti se bahut duur the ham
bu kisi gul ki lagaa laai hai

kabhi shaakh o sabza o barg par kabhi ghuncha o gul o khaar par
main chaman mein chaahe jahaan rahun miraa haq hai fasl-e-bahaar par

rang badlaa huaa thaa phulon kaa
tum yaqinan udaas guzre the