tezi-e-baada kujaa talkhi-e-guftaar kujaa — Habeeb Moosavi

jaa sake na masjid tak jama the bahut zaahid
mai-kade mein aa baiThe jab na raastaa paayaa

mai-kada hai shaikh saahab ye koi masjid nahin
aap shaayad aae hain rindon ke bahkaae hue

dil liyaa hai to khudaa ke liye kah do saahab
muskuraate ho tumhin par miraa shak jaataa hai

mai-kade ko jaa ke dekh aauun ye hasrat dil mein hai
zaahid us miTTi ki ulfat meri aab-o-gil mein hai

gulon kaa daur hai bulbul maze bahaar mein luuT
khizaan machaaegi aate hi is dayaar mein luuT

jab ki vahdat hai baais-e-kasrat
ek hai sab kaa raastaa vaaiz

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

jaa paDe chup ho ke jab shahr-e-khamoshaan mein 'nazir'
ye ghazal ye rekhta ye sher-khvaani phir kahaan

duaa ye hai na hon gumraah ham-safar mere
'khumaar' main ne to apnaa safar tamaam kiyaa

anjaam ko pahunchungaa main anjaam se pahle
khud meri kahaani bhi sunaaegaa koi aur

aankh tumhaari mast bhi hai aur masti kaa paimaana bhi
ek chhalakte saaghar mein mai bhi hai aur mai-khaana bhi