duniyaa bas is se aur ziyaada nahin hai kuchh — Hakim Mohammad Ajmal Khan Shaida

charchaa hamaaraa ishq ne kyuun jaa-ba-jaa kiyaa
dil us ko de diyaa to bhalaa kyaa buraa kiyaa

dard ko rahne bhi de dil mein davaa ho jaaegi
maut aaegi to ai hamdam shifaa ho jaaegi

rukhsaar par hai rang-e-hayaa kaa farogh aaj
bose kaa naam main ne liyaa vo nikhar gae

vo sar hi kyaa ki jis mein tumhaaraa na ho khayaal
vo dil hi kyaa ki jis mein tumhaaraa guzar na ho

mai na ho bu hi sahi kuchh to ho rindon ke liye
isi hiile se bujhegi havas-e-jaam-e-sharaab

bhalaa tu aur ghar aae mire kyun-kar yaqin kar luun
takhayyul kyuun na ho meraa tiri aavaaz-e-paa kyuun ho

mere khvaabon ke jharokon ko sajaate rahiye
na sahi vasl magar yaad to aate rahiye

aa hi jaataa thaa khayaal-e-ghair mere zehn mein
'ain mauqa' par tumhaari yaad ne khaTkaa kiyaa

kitnaa dilkash hai tiri yaad kaa paalaa huaa ashk
sina-e-khaak pe mahtaab giraa ho jaise

unhin ki hasrat-e-rafta ki yaadgaar huun main
jo log rah gae tanhaa bhari bahaaron mein

baDi mushkil se bahlaayaa thaa khud ko
achaanak yaad teri aa gai phir

tu nahin paas tiri yaad to hai
tu hi to sujhe jahaan tak sochun