khuub mil kar gale se ro lenaa — Haqeer

yak-ba-yak tark na karnaa thaa mohabbat mujh se
khair jis tarah se aataa thaa vo aataa jaataa

jaantaa us ko huun davaa ki tarah
chaahtaa us ko huun shifaa ki tarah

haqaarat ki nigaahon se na farsh-e-khaak ko dekho
amiron kaa faqiron kaa yahi aakhir ko bistar hai

TuTein vo sar jis mein teri zulf kaa saudaa nahin
phuTein vo aankhein ki jin ko diid kaa lapkaa nahin

yaa us se javaab-e-khat laanaa yaa qaasid itnaa kah denaa
bachne kaa nahin bimaar tiraa irshaad agar kuchh bhi na huaa

kyaa jaanein un ki chaal mein eajaaz hai ki sehr
vo bhi unhin se mil gae jo the hamaare log

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ye do-dili mein rahaa ghar na ghaaT kaa 'anjum'
buton ko kar na sakaa khush khudaa ko paa na sakaa

ik nazar ne kiyaa hai kaam tamaam
aarzu bhi to thi yahi dil ki

puchh kar kaun dil dukhaataa hai
haadse kab bataa ke hote hain

ik shakl hamein phir bhaai hai ik surat dil mein samaai hai
ham aaj bahut sarshaar sahi par aglaa moD judaai hai