iltifaat-e-yaar thaa ik khvaab-e-aaghaaz-e-vafaa — Hasrat Mohani

gham-e-aarzu kaa 'hasrat' sabab aur kyaa bataaun
miri himmaton ki pasti mire shauq ki bulandi

raat din naama-o-paighaam kahaan tak doge
saaf kah dijiye milnaa hamein manzur nahin

'hasrat' bahut hai martaba-e-aashiqi buland
tujh ko to muft logon ne mashhur kar diyaa

taasir-e-barq-e-husn jo un ke sukhan mein thi
ik larzish-e-khafi mire saare badan mein thi

ham kyaa karein agar na tiri aarzu karein
duniyaa mein aur bhi koi tere sivaa hai kyaa

chhup nahin sakti chhupaane se mohabbat ki nazar
paD hi jaati hai rukh-e-yaar pe hasrat ki nazar

jab ki pahlu se yaar uThtaa hai
dard be-ikhtiyaar uThtaa hai

vo ghazal ki kitaab hai pyaare
us ko paDhnaa savaab hai pyaare

tiri shokh aankhon mein baarhaa kai khvaab dekhe hain pyaar ke
tiraa pyaar meraa nasib hai kisi aur ko ye vafaa na de

har manzar ke andar bhi ik manzar hai
dekhne vaalaa bhi to ho tayyaar mujhe

bahut chhoTe hain mujh se mere dushman
jo meraa dost hai mujh se baDaa hai

khvaabon ki tarah aanaa khushbu ki tarah jaanaa
mumkin hi nahin lagtaa ai dost tujhe paanaa