'hasrat' bahut hai martaba-e-aashiqi buland — Hasrat Mohani

gham-e-aarzu kaa 'hasrat' sabab aur kyaa bataaun
miri himmaton ki pasti mire shauq ki bulandi

raat din naama-o-paighaam kahaan tak doge
saaf kah dijiye milnaa hamein manzur nahin

taasir-e-barq-e-husn jo un ke sukhan mein thi
ik larzish-e-khafi mire saare badan mein thi

ham kyaa karein agar na tiri aarzu karein
duniyaa mein aur bhi koi tere sivaa hai kyaa

barsaat ke aate hi tauba na rahi baaqi
baadal jo nazar aae badli meri niyat bhi

chhup nahin sakti chhupaane se mohabbat ki nazar
paD hi jaati hai rukh-e-yaar pe hasrat ki nazar

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

ye soch kar vujud faraamosh kar diyaa
khud se milaa to teri tamanna karungaa main

bahaane aur bhi hote jo zindagi ke liye
ham ek baar tiri aarzu bhi kho dete

kitni khvaahishein dil mein palti hain magar 'naahid'
haath hi naiin aate bhaagte hue lamhe

subh bichhaD kar shaam kaa vaada shaam kaa honaa sahal nahin
un ki tamannaa phir kar lenaa subh ko pahle shaam karo

ham aaj raah-e-tamannaa mein ji ko haar aae
na dard-o-gham kaa bharosaa rahaa na duniyaa kaa