main khushi mein ghir ke udaas huun — Ibn

aankhon mein khvaab chubhan sone nahin deti hai
ek muddat se hamein tu ne jagaa rakkhaa hai

ham yunhi khvaab bunte rahte hain
khel saaraa qazaa kaa hotaa hai

aise khud ko aziyyatein denaa
tu ne 'farrukh' kahaan se sikhaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

main ne apni palkon par gham-kade sajaae hain
aarzu ke maatam mein sogvaar hasti hai

husn jalva dikhaa gayaa apnaa
ishq baiThaa rahaa udaas kahin