chale gae to pukaaregi har sadaa ham ko — Ibrahim Ashk

zindagi apni musalsal chaahaton kaa ik safar
is safar mein baar-haa mil kar bichhaD jaataa hai vo

na dil mein koi gham rahe na meri aankh nam rahe
har ek dard ko miTaa sharaab laa sharaab de

ye aur baat hai ki barhana thi zindagi
maujud phir bhi mere badan par libaas thaa

kis liye katraa ke jaataa hai musaafir dam to le
aaj sukhaa peD huun kal teraa saayaa main hi thaa

koi to hogaa jis ko miraa intizaar hai
kahtaa hai dil ke shahr-e-tamannaa mein le ke chal

bikhre hue the log khud apne vajud mein
insaan ki zindagi kaa ajab bandobast thaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ik aabla thaa so bhi gayaa khaar-e-gham se phaT
teri girah mein kyaa dil-e-andoh-gin rahaa

kyaa dikhaataa hai falak-e-garm tu naan-e-khurshid
khaanaa khaate hain sadaa ahl-e-tavakkul ThanDaa

ye charkh-e-nilgun ik khaana-e-pur-dud hai yaaro
na puchho maajraa kuchh chashm se aansu bahaane kaa