taqdir-e-vafaa kaa phuuT jaanaa — Iftikhar Raghib

inkaar hi kar dijiye iqraar nahin to
uljhan hi mein mar jaaegaa bimaar nahin to

'raaghib' vo meri fikr mein khud ko bhi bhuul jaaein
aisi to koi baat nahin chaahtaa thaa main

ji chaahtaa hai jiinaa jazbaat ke mutaabiq
haalaat kar rahe hain haalaat ke mutaabiq

din mein aane lage hain khvaab mujhe
us ne bhejaa hai ik gulaab mujhe

le jaae jahaan chaahe havaa ham ko uDaa kar
TuuTe hue patton ki hikaayat hi alag hai

paDhtaa rahtaa huun aap kaa chehra
achchhi lagti hai ye kitaab mujhe

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

misl-e-mausam jo badalte to koi baat na thi
tu ne to badlaa hai girgiT ki tarah rang apnaa

achchhi qismat achchhaa mausam achchhe log
phir bhi dil ghabraa jaataa hai baaz auqaat

aisaa dil-kash thaa ki thi maut bhi manzur hamein
ham ne jis jurm ki kaaTi hai sazaa zindaan mein

ummid o yaas ki rut aati jaati rahti hai
magar yaqin kaa mausam nahin badaltaa hai