vo maza ab kahaan rahaa yaaro — Inder Saraazi

aakhiri umr tak rahegi yaad
raat main saath jis ke bhigaa thaa

aankhein maltaa rotaa chaand
dekho phir se niklaa chaand

baDi mushkil se bahlaayaa thaa khud ko
achaanak yaad teri aa gai phir

ab kisi kaam ke nahin ye rahe
dil vafaa ishq aur tanhaai

raaz-daan hote hain vo ghar aksar
jin gharon mein dhuaan nahin hotaa

abhi to mausam-e-khizaan hai ye
khileinge phuul bhi bahaar ke saath

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jab ki pahlu se yaar uThtaa hai
dard be-ikhtiyaar uThtaa hai

ab ke mausam mein ye meyaar-e-junun Thahraa hai
sar salaamat rahein dastaar na rahne paae

meri qismat mein gham gar itnaa thaa
dil bhi yaa-rab kai diye hote

kise dost apnaa banaaein ham kise dil kaa haal sunaaein ham
sabhi ghair hain sabhi ajnabi tire gaanv mein mire shahr mein

shaam hui hai yaar aae hain yaaron ke hamraah chalein
aaj vahaan qavvaali hogi 'jaun' chalo dargaah chalein