kuchh aisaa hai fareb-e-nargis-e-mastaana barson se — Iqbal Sohail

jo tasavvur se maavaraa na huaa
vo to banda huaa khudaa na huaa

na rahaa koi taar daaman mein
ab nahin haajat-e-rafu mujh ko

husn-e-fitrat ki aabru mujh se
aab o gil mein hai rang-o-bu mujh se

khaakistar-e-dil mein to na thaa ek sharar bhi
bekaar use barbaad kiyaa mauj-e-sabaa ne

vo shabnam kaa sukun ho yaa ki parvaane ki betaabi
agar uDne ki dhun hogi to honge baal-o-par paidaa

aashob-e-iztiraab mein khaTkaa jo hai to ye
gham teraa mil na jaae gham-e-rozgaar mein

yaar main itnaa bhukaa huun
dhokaa bhi khaa letaa huun

ek parda saa hai fareb-e-nazar
ye bhi uTThe to dekhnaa kyaa hai

is qadar musalsal thiin shiddatein judaai ki
aaj pahli baar us se main ne bevafaai ki

kuchh to majburiyaan rahi hongi
yuun koi bevafaa nahin hotaa

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

ai mujh ko fareb dene vaale
main tujh pe yaqin kar chukaa huun