dosti aur kisi gharaz ke liye — Ismail Merathi

thi chheD usi taraf se varna
main aur majaal aarzu ki

dariyaa ki tarah ravaan huun lekin
ab tak bhi vahin huun main jahaan huun

haan dil-e-be-taab chande intizaar
amn-o-raahat kaa Thikaana aur hai

roz-e-jazaa mein aakhir puchhaa na jaaegaa kyaa
teraa ye chup lagaanaa meraa savaal karnaa

samajhte hain sheron ko bhi narm chaara
ghazaalaan-e-shahri se hoshyaar rahnaa

dilbari jazb-e-mohabbat kaa karishma hai faqat
kuchh karaamat nahin jaadu nahin eajaaz nahin

jab ki pahlu se yaar uThtaa hai
dard be-ikhtiyaar uThtaa hai

samjhe the ham jo dost tujhe ai miyaan ghalat
teraa nahin hai jurm hamaaraa gumaan ghalat

na rakkhaa jag mein rasm-e-dosti andoh-rozi ne
magar zaanu se ab baaqi rahaa hai rabt-e-peshaani

tum ko samjhaae 'mubaarak' koi kyunkar afsos
tum to rone lage yaar aur bhi samjhaane se

aap kaa ikhtiyaar hai sab par
aap par ikhtiyaar kis kaa hai

abas tu ghar basaataa hai miri aankhon mein ai pyaare
kisi ne aaj tak dekhaa bhi hai paani pe ghar Thahraa