tumhaare dil se kudurat miTaae to jaanein — Ismail Merathi

thi chheD usi taraf se varna
main aur majaal aarzu ki

dariyaa ki tarah ravaan huun lekin
ab tak bhi vahin huun main jahaan huun

haan dil-e-be-taab chande intizaar
amn-o-raahat kaa Thikaana aur hai

roz-e-jazaa mein aakhir puchhaa na jaaegaa kyaa
teraa ye chup lagaanaa meraa savaal karnaa

samajhte hain sheron ko bhi narm chaara
ghazaalaan-e-shahri se hoshyaar rahnaa

dilbari jazb-e-mohabbat kaa karishma hai faqat
kuchh karaamat nahin jaadu nahin eajaaz nahin

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ye dil ab mujh se thoDi der sustaane ko kahtaa hai
aur aanhkein muund kar har baat dohraane ko kahtaa hai

qayaam kartaa huun akasr main dil ke kamre mein
ki jam na jaae kahin gard us ki chizon par

mujh se dilli ki nahin dil ki kahaani suniye
shahr to ye bhi kai baar luTaa hai mujh mein

jo phaans chubh rahi hai dilon mein vo tu nikaal
jo paanv mein chubhi thi use ham nikaal aae