harim-e-dil mein jab aataa hai naaz farmaataa — Izhaar Malihabadi

hazaar jaam chhalakte hue nafas-ba-nafas
hazaar baagh mahakte hue qadam-ba-qadam

jahaan hai sher charaagh-e-junun jalaae hue
vahaan khaDi hai khirad apnaa sar jhukaae hue

khumaar-e-dida-e-anjum sharaab-e-lail-o-nahaar
hikaayat-e-na-shunida nigaar-e-naa-mahram

khurush-e-sarsar-o-tufaan jamud-e-dasht-o-saraab
surud-e-fasl-e-bahaaraan khiraam-e-gardish-e-yam

subu-e-falsafa-e-ishq-o-kahkashaan-e-hayaat
shuaa-e-qahr-e-tabassum charaagh-e-dida-e-nam

na puchh sher hai kyaa chiiz mujh se ai hamdam
mizaaj-e-aatish-e-sozaan lataafat-e-shabnam

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

roz hi piinaa roz pilaanaa roz ghamon se Takraanaa
ik din mai ko bhuul ke aao gangaa-jal ki baat karein

ik samundar ke havaale saare khat kartaa rahaa
vo hamaare saath apne gham ghalat kartaa rahaa

asir-e-zulf ko shaayad yahin rihaai hai
pukaartaa huun jise vo sadaa mein aayaa hai