nigaar-khaana-e-hikmat kalid-e-baab-e-junun — Izhaar Malihabadi

zabaan se sher ki taarif ho nahin sakti
ki ek zarre se ab tak hai aql naa-mahram

jilau mein hazrat-e-jibril sar jhukaae hue
buland arsh ke taaron se azmat-e-aadam

sharaab-e-husn-o-mohabbat fashurda-e-anjum
anis-e-shaam-o-sahar hamdam-e-vajud-o-adam

zamin se ahl-e-falak ko payaam-e-nazzaara
naqaab-e-aariz-e-fitrat ki jumbish-e-paiham

hazaar jaam chhalakte hue nafas-ba-nafas
hazaar baagh mahakte hue qadam-ba-qadam

jahaan hai sher charaagh-e-junun jalaae hue
vahaan khaDi hai khirad apnaa sar jhukaae hue

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

ye pahlaa ishq hai tumhaaraa soch lo
mire liye ye raastaa nayaa nahin

qatl karne kaa iraada hai magar sochtaa huun
tu agar aae to haathon mein jhijak paidaa ho

savaal karti kai aankhein muntazir hain yahaan
javaab aaj bhi ham soch kar nahin aae

main ne ye soch ke boe nahin khvaabon ke darakht
kaun jangal mein uge peD ko paani degaa