main lafz-e-khaam huun koi ki tarjumaan-e-ghazal — Jamuna Parsad Rahi

ajiib aag lagaa kar koi ravaana huaa
mire makaan ko jalte hue zamaana huaa

kachchi divaarein sadaa-noshi mein kitni taaq thiin
pattharon mein chikh kar dekhaa to andaazaa huaa

kashtiyaan Duub rahi hain koi saahil laao
apni aankhein miri aankhon ke muqaabil laao

gaanv se guzregaa aur miTTi ke ghar le jaaegaa
ek din dariyaa sabhi divaar o dar le jaaegaa

sadiyon kaa intishaar fasilon mein qaid thaa
dastak ye kis ne di ki imaarat bikhar gai

lauT bhi aayaa to sadiyon ki thakan laaegaa
subh kaa bhulaa huaa shaam ko ghar aane tak

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi