kachchi divaarein sadaa-noshi mein kitni taaq thiin — Jamuna Parsad Rahi

lauT bhi aayaa to sadiyon ki thakan laaegaa
subh kaa bhulaa huaa shaam ko ghar aane tak

ajiib aag lagaa kar koi ravaana huaa
mire makaan ko jalte hue zamaana huaa

kashtiyaan Duub rahi hain koi saahil laao
apni aankhein miri aankhon ke muqaabil laao

gaanv se guzregaa aur miTTi ke ghar le jaaegaa
ek din dariyaa sabhi divaar o dar le jaaegaa

sadiyon kaa intishaar fasilon mein qaid thaa
dastak ye kis ne di ki imaarat bikhar gai

main lafz-e-khaam huun koi ki tarjumaan-e-ghazal
ye faisla kisi taaza kitaab par Thahraa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dil ki dahliz pe jab shaam kaa saaya utraa
ufuq-e-dard se siine mein ujaalaa utraa

chamak de chaand ko ThanDak havaa ko dil ko umang
udaas qisse ko phir ek shaahzaada de

mai-kashi mein rakhte hain ham mashrab-e-durd-e-sharaab
jaam-e-mai chaltaa jahaan dekhaa vahaan par jam gae