na miT sakaa na miTegaa kabhi nishaan meraa — Jigar Barelvi

tasalli aap ne di farq hai haan dil ki haalat mein
jo tham tham kar khalish hoti thi paiham hoti jaati hai

ye sher mere use sunaa do
puchhe jo koi 'jigar' main kyaa huun

ishq mein qadr-e-khastagi ki ummid
ai 'jigar' hosh ki davaa kijiye

aaj kyaa jaane kyaa hai hone ko
ji bahut chaahtaa hai rone ko

dard ho dukh ho to davaa kiije
phaT paDe aasmaan to kyaa kiije

maraz-e-ishq ko shifaa samjhe
dard ko dard ki davaa samjhe

ziist aur maut kaa aakhir ye fasaana kyaa hai
umr kyuun hasb-e-zarurat nahin di jaa sakti

kisi surat koi surat nikaalo
mujhe be-maut marne se bachaa lo

ye 'talkh' kiyaa kyaa hai khud se bhi gae tum to
marnaa hi kisi par thaa tum khud pe mare hote

aisaa dil-kash thaa ki thi maut bhi manzur hamein
ham ne jis jurm ki kaaTi hai sazaa zindaan mein

har dam dam-e-aakhir hai ajal sar pe khaDi hai
dam-bhar bhi ham is dam kaa bharosa nahin karte

hijr-e-jaanaan mein ji se jaanaa hai
bas yahi maut kaa bahaana hai