aai jab un ki yaad to aati chali gai — Jigar Moradabadi

ik lafz-e-mohabbat kaa adnaa ye fasaanaa hai
simTe to dil-e-aashiq phaile to zamaana hai

aatish-e-ishq vo jahannam hai
jis mein firdaus ke nazaare hain

aadat ke baa'd dard bhi dene lagaa mazaa
hans hans ke aah aah kiye jaa rahaa huun main

meri nigaah-e-shauq bhi kuchh kam nahin magar
phir bhi tiraa shabaab tiraa hi shabaab hai

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

un kaa jo farz hai vo ahl-e-siyaasat jaanein
meraa paighaam mohabbat hai jahaan tak pahunche

mere khvaabon ke jharokon ko sajaate rahiye
na sahi vasl magar yaad to aate rahiye

tum se mile to khud se ziyaada
tum ko akelaa paayaa ham ne

koi shikva na gham na koi yaad
baiThe baiThe bas aankh bhar aai

ishq kaa ab martaba pahunchaa muqaabil husn ke
ban gae but ham bhi aakhir us sanam ki yaad mein

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

haae kyaa chiiz thi javaani bhi
ab to din raat yaad aati hai