shab-e-intizaar aakhir kabhi hogi mukhtasar bhi — Kaifi Azmi

peD ke kaaTne vaalon ko ye maalum to thaa
jism jal jaaeinge jab sar pe na saaya hogaa

gar Dubnaa hi apnaa muqaddar hai to suno
Dubeinge ham zarur magar naakhudaa ke saath

ghurbat ki ThanDi chhaanv mein yaad aai us ki dhuup
qadr-e-vatan hui hamein tark-e-vatan ke baad

ik khvaab khushi kaa dekhaa nahin dekhaa jo kabhi to bhuul gae
maangaa huaa tum kuchh de na sake jo tum ne diyaa vo sahne do

divaarein to har taraf khaDi hain
kyaa ho gae mehrbaan saae

dil ki naazuk ragein TuTti hain
yaad itnaa bhi koi na aae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

pyaaso raho na dasht mein baarish ke muntazir
maaro zamin pe paanv ki paani nikal paDe

zard se sabz hotaa jaataa hai
ik shajar intizaar se niklaa

hasb-e-maa'mul ek moD pe aaj
der tak teraa intizaar huaa

kuchh aisaa kar ki khuld aabaad tak ai 'shaad' jaa pahunchein
abhi tak raah mein vo kar rahe hain intizaar apnaa