mai-kade ki taraf chalaa zaahid — Kaleem Aajiz

gham hai to koi lutf nahin bistar-e-gul par
ji khush hai to kaanTon pe bhi aaraam bahut hai

ye tarz-e-khaas hai koi kahaan se laaegaa
jo ham kaheinge kisi se kahaa na jaaegaa

mausam-e-gul hamein jab yaad aayaa
jitnaa gham bhule the sab yaad aayaa

haan kuchh bhi to derina mohabbat kaa bharam rakh
dil se na aa duniyaa ko dikhaane ke liye aa

unhin ke giit zamaane mein gaae jaaeinge
jo choT khaaeinge aur muskuraae jaaeinge

ye aansu be-sabab jaari nahin hai
mujhe rone ki bimaari nahin hai

shaam Dhalte hi ye aalam hai to kyaa jaane bashir
haal apnaa subh tak be-rabt nabzein kyaa karein

itne chehron mein mujhe hai ek chehre ki talaash
jis ko main ne kho ke paayaa paa ke khoyaa subh tak

us ne honTon pe lab rakhe bhi na the
mujh mein suraj tulu' hone lagaa

jo vaqt jaaegaa vo palaT kar na aaegaa
din raat chaahiye sahar-o-shaam kaa lihaaz

shaayad aa jaae kisi vaqt lab-e-baam vo chaand
shaam se subah talak band daricha na kiyaa

tiraa paanv shaam pe aa gayaa thaa ki chaand thaa
tiraa hijr subh ko jal uThaa thaa ki phuul thaa