yahi ham-navaa yahi ham-sukhan yahi ham-nishaan yahi ham-vatan — Kaleem Aajiz

gham hai to koi lutf nahin bistar-e-gul par
ji khush hai to kaanTon pe bhi aaraam bahut hai

ye tarz-e-khaas hai koi kahaan se laaegaa
jo ham kaheinge kisi se kahaa na jaaegaa

mausam-e-gul hamein jab yaad aayaa
jitnaa gham bhule the sab yaad aayaa

haan kuchh bhi to derina mohabbat kaa bharam rakh
dil se na aa duniyaa ko dikhaane ke liye aa

unhin ke giit zamaane mein gaae jaaeinge
jo choT khaaeinge aur muskuraae jaaeinge

ye aansu be-sabab jaari nahin hai
mujhe rone ki bimaari nahin hai

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

'munir' is mulk par aaseb kaa saaya hai yaa kyaa hai
ki harkat tez-tar hai aur safar aahista aahista

vahi jiine ki aazaadi vahi marne ki jaldi hai
divaali dekh li ham ne dasahre kar liye ham ne

gar Thahre malak aage unhon ke to ajab hai
phirte hain paDe dilli ke launDe jo pari se

ye savaad-e-shahr aur aisaa kahaan husn-e-malih
shash-jihat mein mulk dekhaa hi nahin punjab saa

kis tarah duur hon aalaam-e-gharib-ul-vatani
zindagi khud bhi gharib-ul-vatani hoti hai