ji chaahegaa jis ko use chaahaa na kareinge — Karamat Ali Shaheedi

siikh le ham se koi zabt-e-junun ke andaaz
barson paaband rahe par na hilaai zanjir

ayyaam musibat ke to kaaTe nahin kaTte
din aish ke ghaDiyon mein guzar jaate hain kaise

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ik taraf pyaar hai rishta hai vafaadaari hai
aur in sab mein hi us gham ki taraf-daari hai

ishq marhun-e-hikaayaat-o-gumaan bhi hogaa
vaaqia hai to kisi taur bayaan bhi hogaa

jitni vo mire haal pe karte hain jafaaein
aataa hai mujhe un ki mohabbat kaa yaqin aur

koi to dekhe miri bebasi mohabbat mein
main aap apni jahaan mein hansi uDaataa phirun