yaad na aane kaa vaada kar ke — Karamat Bukhari

zaruri to nahin ik fasl-e-gul ho
junun ke aur bhi mausam bahut hain

har soch mein sangin fazaaon kaa fasaana
har fikr mein shaamil huaa tahrir kaa maatam

aah to ab bhi dil se uThti hai
lekin us mein asar nahin hotaa

parvaaz mein thaa amn kaa maasum parinda
sunte hain ki be-chaara shajar tak nahin pahunchaa

ek nazar mein us ne har ik dil ko jiit liyaa
ek nazar mein us ke ho gae jaane kitne log

main ki tere dhyaan mein gum thaa
duniyaa mujh ko DhunDh rahi thi

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

TimTimaate rahein bujhti hui yaadon ke charaagh
dil ki viraani pe gar aap ko israar na ho

jis ko tum bhuul ga.e yaad kare kaun us ko
jis ko tum yaad ho vo aur kise yaad kare

aanaa ye hichkiyon kaa mujhe be-sabab nahin
bhule se us ne yaad kyaa ho ajab nahin

ham ko bhi kyaa kyaa maze ki daastaanein yaad thiin
lekin ab tamhid-e-zikr-e-dard-o-maatam ho gaiin