in sitaaron mein kahin tum bhi ho — Kashif Husain Ghair

na ham vahshat mein apne ghar se nikle
na sahraa apni viraani se niklaa

bane hain kaam sab uljhan se mere
yahi atvaar hain bachpan se mere

zindagi mein kasak zaruri thi
ye khalaa pur tiri kami se huaa

haal puchhaa na kare haath milaayaa na kare
main isi dhuup mein khush huun koi saaya na kare

kyaa chaahti hai ham se hamaari ye zindagi
kyaa qarz hai jo ham se adaa ho nahin rahaa

mere andar kaa shor hai mujh mein
varna baahar to khaamushi hai yahaan

taa-falak le gai betaabi-e-dil tab bole
hazrat-e-ishq ki pahlaa hai ye ziinaa apnaa

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

zamaana laakh sitaaron ko chhu ke aa jaae
abhi dilon ko magar haajat-e-rafu hai vahi

kuchh aur din abhi is jaa qayaam karnaa thaa
yahaan charaagh vahaan par sitaara dharnaa thaa

tumhaare ishq mein kyaa kyaa na ikhtiyaar kiyaa
kabhi falak kaa kabhi ghair kaa vaqaar kiyaa

chale the jis ki taraf vo nishaan khatm huaa
safar adhuraa rahaa aasmaan khatm huaa