vo arz-e-gham pe miri un kaa ehtimaam-e-sukut — Kausar Jayasi

kabhi kabhi safar-e-zindagi se ruuTh ke ham
tire khayaal ke saae mein baiTh jaate hain

gham nairang dikhaataa hai hasti ki jalva-numaai kaa
kitne zamaanon kaa haasil hai ik lamha tanhaai kaa

ye aarzu ke sitaare ye intizaar ke phuul
chamak rahi hain khataaein mahak rahe hain gunaah

apne gham ki fikr na ki is duniyaa ki gham-khvaari mein
barson ham ne dast-e-junun se kaam liyaa daanaai kaa

thi nazar ke saamne kuchh to talaafi ki umiid
khet sukhaa thaa magar dariyaa mein tughyaani to thi

takhliq ke parde mein sitam TuuT rahe hain
aazar hi ke haathon se sanam TuuT rahe hain

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

na koi rok sakaa khvaab ke safiron ko
udaas kar gae nindon ke raahgiron ko

hudud-e-vaqt se baahar ajab hisaar mein huun
main ek lamha huun sadiyon ke intizaar mein huun

dariyaa ki vusaton se use naapte nahin
tanhaai kitni gahri hai ik jaam bhar ke dekh