kabhi kabhi safar-e-zindagi se ruuTh ke ham — Kausar Jayasi

gham nairang dikhaataa hai hasti ki jalva-numaai kaa
kitne zamaanon kaa haasil hai ik lamha tanhaai kaa

ye aarzu ke sitaare ye intizaar ke phuul
chamak rahi hain khataaein mahak rahe hain gunaah

apne gham ki fikr na ki is duniyaa ki gham-khvaari mein
barson ham ne dast-e-junun se kaam liyaa daanaai kaa

thi nazar ke saamne kuchh to talaafi ki umiid
khet sukhaa thaa magar dariyaa mein tughyaani to thi

takhliq ke parde mein sitam TuuT rahe hain
aazar hi ke haathon se sanam TuuT rahe hain

aao ham hanste uThein bazm-e-dil-aazaaraan se
kaun ehsaas ko bimaar banaa kar uTThe

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

mar gae 'joshish' isi daryaaft mein
kyaa kahein hai kaun si shai zindagi

mere rone kaa jis mein qissa hai
umr kaa behtarin hissa hai

ik musalsal jang thi khud se ki ham zinda hain aaj
zindagi ham teraa haq yuun bhi adaa karte rahe