ye charaagh-e-anjuman to hain bas ek shab ke mehmaan — Khumar Barabankavi

gham hai na ab khushi hai na ummid hai na yaas
sab se najaat paae zamaane guzar gae

ham pe guzraa hai vo bhi vaqt 'khumaar'
jab shanaasaa bhi ajnabi se mile

na to hosh se taaaruf na junun se aashnaai
ye kahaan pahunch gae hain tiri bazm se nikal ke

ye kahnaa thaa un se mohabbat hai mujh ko
ye kahne mein mujh ko zamaane lage hain

phuul kar le nibaah kaanTon se
aadmi hi na aadmi se mile

dushmanon se pashemaan honaa paDaa hai
doston kaa khulus aazmaane ke baad

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

ek mausam ki kasak hai dil mein dafn
miThaa miThaa dard saa hai mustaqil

kis kis ko bataaun ki main buzdil nahin 'raaghib'
is daur mein mafhum-e-sharaafat hi alag hai

us ne is tarah se badla hai ravayya apnaa
puchhnaa paDtaa hai har vaqt tumhin ho naa dost