mire is avvalin ashk-e-mohabbat par nazar kar — Khursheed Rizvi

is e'tiraaf se ras ghul rahaa hai kaanon mein
vo e'tiraaf jo us ne abhi kiyaa bhi nahin

bas dariche se lage baiThe rahe ahl-e-safar
sabza jaltaa rahaa aur yaad-e-vatan aati rahi

maut ki ek alaamat hai agar dekhaa jaae
ruuh kaa chaar anaasir pe savaari karnaa

jo tamaam umr rahaa sabab ki talaash mein
vo tiri nigaah mein be-sabab nahin aa sakaa

ham teri tabiat ko 'khurshid' nahin samjhe
patthar nazar aataa thaa royaa to bahut royaa

jo shakhs na royaa thaa tapti hui raahon mein
divaar ke saae mein baiThaa to bahut royaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

aablon kaa shikva kyaa Thokaron kaa gham kaisaa
aadmi mohabbat mein sab ko bhuul jaataa hai

ishq ke maraahil mein vo bhi vaqt aataa hai
aafatein barasti hain dil sukun paataa hai

miri zindagi kaa haasil tire gham ki paasdaari
tire gham ki aabru hai mujhe har khushi se pyaari

hamein aakhirat mein 'aamir' vahi umr kaam aai
jise kah rahi thi duniyaa gham-e-ishq mein ganvaa di